ڈینس الیگزینڈر، جو جنرل ہسپتال میں لیسلی ویبر کے کردار کے لیے سب سے زیادہ جانی جاتی تھیں، 85 سال کی عمر میں انتقال کر گئیں۔
ورائٹی کے مطابق، اداکارہ نے بدھ، 5 مارچ کو آخری سانس لی۔
جنرل ہسپتال کے شو رنر فرینک ویلنٹینی نے جمعہ، 9 مئی کو ایکس کے ذریعے ڈینس کے انتقال کا اعلان کیا۔
انہوں نے لکھا، “مجھے ڈینس الیگزینڈر کے انتقال کی خبر سن کر بہت افسوس ہوا۔ انہوں نے تقریباً پانچ دہائیوں تک ڈاکٹر لیسلی ویبر – ڈے ٹائم ٹیلی ویژن پر پہلی خاتون ڈاکٹروں میں سے ایک – کا کردار ادا کرتے ہوئے آن اور آف اسکرین رکاوٹیں توڑیں۔”
فرینک نے مزید لکھا، “حالیہ برسوں میں ان کے کردار کو دوبارہ ادا کرنا بہت معنی رکھتا تھا اور مجھے ان کے ساتھ کام کرنے کا موقع ملنے پر فخر ہے۔”
انہوں نے مزید کہا، “جنرل ہسپتال کے تمام خاندان کی جانب سے، میں ان کے اہل خانہ، دوستوں اور دیرینہ مداحوں سے دلی ہمدردی کا اظہار کرتا ہوں۔ اللہ انہیں جنت نصیب کرے۔”
ڈینس نے اپنے اداکاری کے کیریئر کا آغاز 1945 میں 6 سال کی عمر میں بطور چائلڈ آرٹسٹ کیا تھا۔ اپنے کئی دہائیوں پر محیط کیریئر کے دوران، وہ کئی ٹی وی سوپس میں نظر آئیں، جن میں دی کلیئر ہورائزن اور جنرل ہسپتال شامل ہیں۔
