https://youtu.be/oorJzP62gAw?si=K7Nya0WG7_vuI5QV
رپورٹ: راجہ زاہداختر خانزادہ
ڈیلس: ڈیلس میں یومِ شہادتِ حضرت علی علیہ السلام کے موقع پر 21 رمضان یوم شہادت حضرت علی عقیدت و احترام کے ساتھ منایا گیا ، یوم علی کی مناسبت سے ریاست ٹیکساس کے کئی شہروں میں مجالس برپا کی گئیں اور جلوس نکالے گئے۔
ڈیلس میں میں یوم علی کا مرکزی جلوس مختلف امام بارگاہوں سے ڈیلس ڈاؤن ٹاؤن میں برآمد ہور اور یہیں اختتام پزیر ہوا جلوس میں علم و تابوت ذوالجناح برآمد کیئے گئے جلوس کی قیادت انجمن سرکار وفا کے رہنما علی رضوی نےکی۔ عزادار جلوس میں ماتم اور نوحہ خوانی کرتے رہے نوحہ خوانی شجاع حیدر اور دیگر نوحہ خوانوں نے کی جنہوں نے سوز و سلام پیش کیا جبکہ صف ماتم میں عزادارن اہلیبت نے حضرت علی کو ماتم اور سینہ کوبی کے ذریعہ ان سے والہانہ محبت کا اظہار کرکے پرسہ دیا
ڈیلس جلوس میں مومن سینڑ، علم سینٹر، در حسین ، سٹی آف نولیج ، اقا سینڑ سے عزادارانِ اہلیبت بشمول خواتین بچوں کی کثیر تعداد نے شرکت کی، عزاداروں کو تعزیہ، علم اور تابوت کی زیارت بھی کرائی گئی۔
جلوس میں منعقدہ مجلس عزاء سے علامہ مدثر علی شاہ موسوی نے خطاب کیا جبکہ ڈیلس کی دیگر مساجدوں و امام بارگاہوں میں علمائے اکرام نے مجالسوں سے خطاب کرتے ہوئے حضرت علی کی تعلیمات اور دین اسلام کیلئے اہلیبت واطہار کی لازوال قربانیوں سمیت مختلف پہلوؤں پر روشنی ڈالی۔ علماُاکرام نے کہا کہ حضرت علی کی ولادت کعبہ میں جبکہ شہادت مسجد میں ہوئی۔ انہوں نے بچپن میں اسلام قبول کر کے تمام زندگی اﷲ اور اس کے رسول کی محبت واطاعت میں گذاری آپؓ جنہوں نے بچپن میں اسلام کا دامن تھاما اور پھر ساری زندگی اسی پرچم کو بلند رکھا۔ ان کے قدموں نے کبھی حق سے ہٹنا نہ سیکھا، ان کے ہاتھوں نے کبھی باطل سے مصالحت نہ کی۔ ہر معرکہ، ہر میدان، ہر امتحان میں وہ صبر و استقامت کا پہاڑ بنے رہے، اور ہر لمحہ بہادری و جرات کا وہ چراغ جلایا جو رہتی دنیا تک اہلِ اسلام کے لیے مینارۂ نور رہے گا علمائے اکرام نے کہا کہ ان کی حیات، فقط ایک زندگی نہیں بلکہ ایک درسگاہ ہے۔ ہر قدم، ہر لمحہ، ہر فیصلہ، امت کے لیے بے شمار اسباق کا مجموعہ ہے
واضع رہے کہ یوم علی کی تقریب کا سلسلہ امریکہ بھر میں جاری ہے اور امریکہ کئی بڑے شہروں بشمول ہیوسٹن میں یوم علی کا جلوس کل 23 مارچ کو اتوار کے روز ڈاؤن ٹاؤن ہیوسٹن سے برآمد ہوگا
