بلیک لائیولی نے جسٹن بالڈونی کے خلاف منگل کو دائر کیے گئے ترمیم شدہ مقدمے میں ایک دل کو چھو لینے والی معذرت پیش کی ہے۔
“گوسپ گرل” کی مشہور اداکارہ نے “اٹ اینڈز وِد اس” کی اسکرین رائٹر کرسٹی ہال سے معافی مانگی ہے، کیونکہ انہوں نے غلطی سے یہ دعویٰ کیا تھا کہ فلم کے ایک “آئیکونک” سین کو ریان رینالڈز نے لکھا ہے۔
دستاویزات کے مطابق، بلیک نے کرسٹی ہال کو ای میل میں لکھا:
“مجھے معلوم ہوا کہ آپ کو جنکٹ پر ایک سوال کے ذریعے مشکل میں ڈال دیا گیا، جو میں نے ریڈ کارپٹ پر کہا تھا۔ میں بہت افسوس محسوس کر رہی ہوں۔ میں کبھی ایسی بات نہ کہتی جسے آپ یا کسی اور کے خلاف استعمال کیا جا سکتا۔ میں صرف اپنے شوہر پر فخر محسوس کر رہی تھی اور اس بات پر شکر گزار تھی کہ وہ میرے لیے ہمیشہ موجود رہتے ہیں۔”
انہوں نے مزید کہا:
“میرا ماننا ہے کہ دو سچائیاں ایک ساتھ موجود ہو سکتی ہیں۔ اس معاملے میں، ریان میرے لیے موجود رہے اور بہترین کام کیا، اور ساتھ ہی آپ نے بھی عمدہ کام کیا جس نے ہم سب کو یہاں تک پہنچایا۔ لیکن میڈیا چیزوں کو صرف سیاہ اور سفید میں تقسیم کر دیتا ہے، اور مجھے بولنے سے پہلے یہ سمجھنا چاہیے تھا۔”
ترمیم شدہ قانونی دستاویز میں، بلیک لائیولی نے دعویٰ کیا ہے کہ جسٹن بالڈونی اور ان کی ٹیم نے ان کے خلاف ایک بدنامی مہم شروع کی ہے۔
