بھارتی اداکار اللو ارجن کی حالیہ گرفتاری نے ان کی آنے والی فلم ‘پشپا 2’ کے باکس آفس بزنس میں حیران کن 70 فیصد اضافہ کر دیا۔ رپورٹس کے مطابق، یہ واقعہ فلم کی تشہیر میں غیر متوقع بوسٹ بن گیا، جس نے مداحوں کی توجہ اور دلچسپی کو مزید بڑھا دیا ہے۔
فلم کے ہدایتکار اور پروڈکشن ٹیم نے تاحال اس معاملے پر کوئی سرکاری بیان جاری نہیں کیا، تاہم مداح ‘پشپا 2’ کی ریلیز کے لیے بے حد پرجوش نظر آ رہے ہیں۔ فلم کے پہلے حصے ‘پشپا: دی رائز’ نے زبردست کامیابی حاصل کی تھی، اور اب دوسرے حصے کو لے کر توقعات مزید بڑھ چکی ہیں۔
فلم انڈسٹری کے ماہرین کا ماننا ہے کہ اللو ارجن کی شخصیت اور فلم کی موجودہ خبروں میں جگہ بنانے سے یہ فلم باکس آفس پر ایک بار پھر بلاک بسٹر ثابت ہو سکتی ہے۔
