رپورٹ: راجہ زاہد اختر خانزادہ
ڈیلس، ٹیکساس: نیشنل کرکٹ لیگ امریکہ نے کرکٹ کے عالمی فروغ اور کمیونٹی کی تعمیر کے عزم کے ساتھ 2025 کے ٹورنامنٹ کا اعلان کر دیا ہے۔ یہ اعلان این ایل سی کی گزشتہ سال کی غیر معمولی کامیابی کے بعد سامنے آیا ہے، جس میں لیگ نے کرکٹ کے مداحوں کو ایک نیا اور دلچسپ تجربہ فراہم کیا تھا این ایل سی کی جانب سے امریکہ میں 2024 کے پہلے سال میں کرکٹ کے شائقین اور کھلاڑیوں کے لیے شاندار مواقع فراہم کیے گئے انتظامیہ کے مطابق لیگ کی موبائل ایپ ‘کرکٹ’ کو 1.1 ملین بار ڈاؤن لوڈ کیا گیا، اور سوشل میڈیا پلیٹ فارمز کے ذریعے ایک سو ملین سے زائد افراد تک رسائی حاصل کی معروف بین الاقوامی براڈکاسٹرز کے ساتھ شراکت داری کے نتیجے میں لیگ کا مواد 120 ممالک میں نشر ہوا، جس سے این ایل سی نے عالمی سطح پر اپنی پہچان بنائی ، این ایل سی نے یو ایس اے کرکٹ کے ساتھ اشتراک کرتے ہوئے کولیجیٹ کرکٹ لیگ قائم کی جو امریکہ کی نمایاں یونیورسٹیوں میں کرکٹ کلبوں کو متحد کرنے اور کھلاڑیوں کی صلاحیتوں کو نکھارنے کے لیے وقف ہے یہ اقدام کرکٹ کے لیے ایک مضبوط ٹیلنٹ ڈویلپمنٹ سسٹم کا حصہ ہے جو آنے والے برسوں میں ‘ٹیم امریکہ ’ کی کامیابیوں کو یقینی بنائے گا
نیشنل کرکٹ لیگ نے کرکٹ کے کھیل کو امریکہ میں مزید مقبول بنانے کے عزم کا اعادہ کیا ہے۔ انٹرنیشنل کرکٹ کونسل، یو ایس اے کرکٹ، اور عالمی سطح کے کھلاڑیوں کی حمایت سے لیگ کرکٹ کے شائقین کو منفرد تجربات فراہم کرنے کی منصوبہ بندی کر رہی ہے این ایل سی کی انتظامیہ کا کہنا ہے کہ ہمارا مشن امریکہ میں کرکٹ کے شوق کو نئی بلندیوں تکپہنچانا اور یہاں ایک ایسا پلیٹ فارم مہیا کرنا ہے جو نہ صرف کھیل کو فروغ دے بلکہمختلف کمیونٹیز کو قریب لانے اور نوجوانوں کے لیے مواقع پیدا کرنے میں بھی معاون ہوگا،این ایل سی نے اعلان کیا ہے کہ 2025 کرکٹ ٹورنامنٹ کی تاریخوں کا باضابطہ اعلان جلد کیا جائے گا۔ لیگ نے مداحوں کا شکریہ ادا کرتے ہوئے کہا کہ وہ کرکٹ کے مزید یادگار مقابلوں کے لیے پرجوش رہیں انکا کہنا ہے کہ نیشنل کرکٹ لیگ (این ایل سی) امریکہ میں کرکٹ کے مستقبل کی تعمیر کی راہ پر گامزن ہے اور اس کے عزم، وژن، اور کامیابیوں نے اسے عالمی کرکٹ کا ایک اہم حصہ بنا دیا ہے
