جنوبی کوریا کے پارلیمنٹ نے 14 دسمبر کو صدر یون سُک یول کو مارشل لا کے نفاذ کے بعد عہدے سے معطل کرنے کا فیصلہ کیا۔ یون کے اس اقدام کو پارلیمنٹ نے مسترد کر دیا تھا جس کے بعد ملک بھر میں احتجاج شروع ہو گئے تھے۔ 204 قانون سازوں نے ان کے مواخذے کے حق میں ووٹ دیا، جبکہ 85 نے مخالفت کی۔ اس فیصلے کے بعد وزیراعظم ہان ڈک سو کو عبوری صدر مقرر کیا گیا ہے اور آئینی عدالت کو چھ ماہ کے اندر اس بات کا فیصلہ کرنا ہے کہ آیا یون کو مستقل طور پر عہدے سے ہٹایا جائے یا نہیں۔
