اسلام آباد: ایک رپورٹ کے مطابق پاکستان تحریک انصاف (پی ٹی آئی) کے حالیہ اسلام آباد مارچ کے دوران جعلی خبروں کی بھرمار دیکھی گئی۔ یہ جعلی خبریں نہ صرف سیاسی اور سماجی بیانیے کو متاثر کرتی رہیں بلکہ ادارہ جاتی اعتماد کو بھی نقصان پہنچا۔
رپورٹ میں کہا گیا کہ جھوٹے بیانات، فرضی ویڈیوز، اور تصاویر نے عوامی جذبات کو ابھارا اور معلوماتی نظام کی خامیاں نمایاں کیں۔
یہ خبریں نہ صرف عام سوشل میڈیا صارفین بلکہ مرکزی میڈیا اداروں کے ذریعے بھی پھیلائی گئیں، جو کہ پاکستان کے ڈیجیٹل ماحول میں ایک بڑا چیلنج ہے۔
رپورٹ میں کہا گیا کہ ان غلط خبروں کے اثرات نہ صرف سیکیورٹی اداروں بلکہ پی ٹی آئی قیادت پر بھی پڑے۔
واچ ڈاگ نے سوشل میڈیا اور روایتی میڈیا کو جعلی خبروں کے فروغ میں اہم کردار ادا کرنے پر نشانہ بنایا اور فوری اقدامات کی ضرورت پر زور دیا۔
