وفاقی دارالحکومت اسلام آباد میں 24 گھنٹوں میں 4 بینک ڈکیتی کی وارداتیں ہوئی ہیں، جس کی سی سی ٹی وی فوٹیج بھی سامنے آگئی۔
اسلام آباد میں چوبیس گھنٹوں مییں چار بینک ڈکیتیاں ہوئیں، آج ہونے والی دو بینک ڈکیتیوں میں سے پہلی سیکٹر جی نائن میں ہوئی، جہاں مسلح ڈاکوؤں نے کیش وین سے اترنے والے گارڈز کو فائرنگ کرکے زخمی کیا اور رقم کا تھیلا لے کرفرار ہوگئے۔
ڈاکوؤں کی فائرنگ سے زخمی ایک شخص اسپتال میں دم توڑ گیا، سیکٹر جی 14 میں بھی کلاشنکوف بردار ڈاکوؤں نے سیکیورٹی گارڈ کو زخمی کیا اوررقم لوٹ کر فرار ہوگئے۔
سیکٹر جی 14 میں ڈاکو کلاشنکوف لے کر بینک میں داخل ہوا، جس کی سی سی ٹی وی ویڈیو سامنے آگئی۔
پولیس ذرائع کا کہنا ہے کہ جی 14 میں مسلح ملزمان نے بینک کے سیکیورٹی گارڈ پر فائرنگ کی، جس سے سیکیورٹی گارڈ شدید زخمی ہوگیا۔
دو مسلح ملزمان بینک سے رقم لوٹ کر فرار ہوگئے، فوٹیج میں بینک کے باہر ڈاکو اسلحہ کے ساتھ نظر آرہا ہے۔
