آسٹریلیا کے جارحانہ بلے باز گلین میکسویل نے ٹی ٹوئنٹی میں ایک اور دھواں دھار سنچری جڑ دی۔
دائیں ہاتھ کے بلے باز نے ویسٹ انڈیز کے خلاف زبردست لاٹھی چارج کرتے ہوئے صرف 50 گیندوں پر سنچری بنائی اور ٹیم کی جیت میں کلیدی کردار ادا کیا۔
یہ ان کے کیریئر کی پانچویں ٹی ٹوئنٹی سنچری ہے اور وہ اس فارمیٹ میں سب سے زیادہ سنچریاں بنانے والے بھارت بلے باز روہت شرما کے ہم پلہ آگئے ہیں۔
109M SIX BY GLENN MAXWELL …!!! pic.twitter.com/0jSgWYdTHZ
— Mufaddal Vohra (@mufaddal_vohra) February 11, 2024
35 سالہ میکسویل نے 55 گیندوں پر 8 چھکے اور 12 چوکے لگا کر 120 رنز کی جارحانہ اننگز کی کھیلی۔ انہوں نے اپنی سنچری میں 109 میٹر لمبا چھکا بھی لگایا۔
آسٹریلیا نے پہلے بیٹنگ کرتے ہوئے 4 وکٹوں پر 241 رنز بنائے جس کے جواب میں مہمان ٹیم 9 وکٹوں پر 207 رنز تک محدود رہی۔
