بالی وڈ کے نامور اداکار اور گلوکار آیوشمان کھرانہ کی ایک ویڈیو سوشل میڈیا پر کافی وائرل ہو رہی ہے، جس میں انہیں ’دل دل پاکستان‘ گاتے دیکھا جا سکتا ہے۔
آیوشمان کھرانہ کی یہ ویڈیو کسی کنسرٹ کی ہے ، جس میں وہ اسٹیج پر کھڑے ہوکر پاکستان کے مشہور زمانہ قومی نغمے دل دل پاکستان گاتے نظر آرہے ہیں۔
سوشل میڈیا پر زیرِ گردش یہ ویڈیو ایک صارف نے ایکس پر شئیر کی ، جس کے حوالے سے تفصیلات درج نہیں کہ یہ کب اور کہاں کی ہے۔
اس ویڈیو کے منظرِ عام پر آتے ہی بھارتی صارفین نا صرف اداکار پر برہم ہو رہے ہیں بلکہ انہیں تنقید کا نشانہ بھی بنایا جا رہا ہے۔
ویڈیو کو شیئر کرتے ہوئے پاکستانی صارف نے کیپشن میں لکھا کہ ‘ بالی وڈ کے اداکار آیوشمان کھرانہ نے دل دل پاکستان گایا، اب وہ وقت بھی دور نہیں جب پورا بھارت دل دل پاکستان گائے گا’۔
ویڈیو دیکھیں:
اس پوسٹ پر سوشل میڈیا صارفین کی جانب سے ملے جلے تبصروں اور ردعمل کا اظہار کیا جا رہا ہے لیکن اس ویڈیو کی حقیقت کیا ہے ؟ ابھی اس حوالے سے کچھ نہیں کہا جا سکتا۔
