عالمی شہرت کے حامل نامور پاکستانی گلوکار راحت فتح علی نے اپنے ملازم سے معافی مانگ لی ہے۔
گزشتہ روز سے سوشل میڈیا پر ایک ویڈیو خوب گردش کر رہی ہے، جس میں دیکھا جا سکتا ہےکہ راحت فتح علی خان اپنے ملازم پر وحشیانہ تشدد کرتے ہوئےاس سے بار بار کسی بوتل کے بارے میں سوال کر رہے ہیں۔
ویڈیو وائرل ہونے کے بعد منفی تبصروں اور شدید نفرت کے بعد گلوکار راحت فتح علی خان نے ایک ویڈیو جاری کی ہے ، جس میں ان کے ہمراہ ملازم بھی نمایاں ہے۔
گلوکار نے واقعے کی حقیقت سے آگاہ کرتے ہوئے معافی بھی مانگی ہے۔
اپنے جاری کردہ ویڈیو پیغام میں راحت فتح علی خان نے اپنے ساتھ کھڑے اپنے شاگرد کی طرف اشارہ کرتے ہوئے کہا کہ یہ ہیں نوید حسنین جن کے بارے میں ویڈیو وائرل ہوئی ہے، سارا واقعہ آپ ان سے ان کی زبانی ہی سنیے لیکن اس پہلے یہ کہ میں نے اس واقعہ کے بعد اس سے معافی مانگی اور اب ان کیمرہ میں ان سے پھر مانگتا ہوں، یہ میرا بیٹا میرا بچہ ہے۔
راحت فتح علی خان کے ساتھ کھڑے ان کے شاگرد نے کہا کہ ناظرین یہ میرے استاد میرے باپ میرے مرشد ہیں، جس نے بھی یہ حرکت کی ہے بالکل بے وقوفوں والی حرکت ہے، یہ میرے باپ میرے پیر ہیں، باپ بیٹے کو مار ہی لیتے ہوتے ہیں ایسی ویسی کوئی بھی بات نہیں ہے، وہ جو پانی تھا پیر صاحب کا دم کیا ہوا وہ میں کہیں رکھ کر بھول گیا جس وجہ سے انہوں نے مجھے مارا، جو بھی میرے استاد کو بدنام کرنے اور بلیک میل کرنے کی حرکت کر رہا ہے تو آپ خود ہی فیصلہ کر لیں کہ جو آدمی ایسی حرکت کر سکتا ہے وہ کتنا اچھا ہو سکتا ہے۔
راحت فتح علی خان نے بات آگے بڑھاتے ہوئے کہا کہ جو بھی میرے بارے میں غلط خبریں اڑا رہا ہے کہ میں ظلم کرتا ہوں، بہت ظالم ہوں، وہ اپنے گریبان میں خود جھانک کر دیکھیں کہ وہ خود کتنے ظالم ہیں۔
ملازم نوید نے مزید کہا کہ میرے والد کا راحت فتح علی خان سے 40 سالہ تعلق ہے، ویڈیو میں میرے والد بھی موجود ہیں، جس نے بھی یہ ویڈیو بنائی اس نے سازش کی اور وہ بہت بڑا بلیک میلر ہے۔
راحت فتح علی خان کا شاگرد پر مبینہ تشدد، شاگرد نوید حسنین کی ویڈیو بیان سامنے آگیا
جس بوتل کی بات ہورہی ہے وہ راحت فتح علی خان کے مرشد کی بھیجی پانی کی بوتل ہے
بوتل مجھ سے گم ہوگئی تھیجس نے بھی ویڈیو بنائی ہے وہ بلیک میلر ہے#rahetfatehalikhan @RFAKWorld pic.twitter.com/ma9UcU8SUr
— Moin Zubair (@MoinZubair6) January 27, 2024
