جاپان کے جزیرے یاکوشیما کے قریب امریکی جنگی طیارہ سمندر میں گر کر تباہ ہوگیا، طیارے میں 8 افراد سوار تھے۔
غیر ملکی میڈیا کے مطابق علاقائی کوسٹ گارڈ کے ترجمان کا کہنا ہے کہ طیارہ جزیرے یاکوشیما کے قریب سمندر میں گر کر تباہ ہوا ہے، جہاں امدادی کارروائیاں شروع کردی گئی ہیں۔
واضح رہے کہ گزشتہ دنوں کینیڈا کے صوبے برٹش کولمبیا میں بھی طیارہ گرنے کا افسوسناک واقعہ پیش آیا تھا، طیارہ حادثے کے باعث بھارت کے 2 زیر تربیت پائلٹس ہلاک ہوگئے تھے۔
کینیڈین حکام کی جانب سے اطلاع دی گئی تھی کہ دو انجن پر مشتمل چھوٹے طیارے میں سوار ایک اور پائلٹ بھی ہلاک ہوگیا ہے۔
