بھارتی معروف، متنازع اداکارہ و رقاصہ راکھی ساونت کا ایک ویڈیو پیغام سوشل میڈیا پیجز پر وائرل ہورہا ہے جس میں ان کا کہنا ہے کہ وہ پہلی بار عمرے کے لیے جا رہی ہیں۔
یاد رہے کہ رواں سال کے آغاز میں راکھی ساونت نے کاروباری شخصیت عادل خان دررانی کے ساتھ شادی کر لی تھی اور اسلام قبول کیا تھا، راکھی ساونت نے رواں سال رمضان کے روزے بھی رکھے تھے ۔
راکھی ساونت کی جہاز میں بیٹھے ایک ویڈیو سوشل میڈیا پر وائرل ہو رہی ہے جس میں اُنہیں باحجاب، ایک سلجھے ہوئے لباس میں دیکھا جا سکتا ہے۔
اداکارہ کا ویڈیو میں بتانا ہے کہ وہ پہلی بار عمرے کے لیے جا رہی ہوں، وہ بہت خوش ہیں کہ ان کا بلاوا آیا ہے۔
فاطمہ (راکھی ساونت) کا اپنے اس ویڈیو پیغام میں کہنا ہے کہ میں آپ سب کے لیے دعا کروں گی، آپ سب بھی مجھے اپنی دعاؤں میں یاد رکھیے گا۔
یاد رہے کہ راکھی ساونت آج کل اپنے سابق شوہر، عادل خان درانی کے ساتھ بدترین جھگڑے کے سبب مسلسل سرخیوں میں چھائی ہوئی ہیں۔
راکھی اور عادل نے اپریل 2023ء میں اپنی شادی کا اعلان کیا تھا اور اس کے بعد حال ہی میں دونوں نے تلخ کلامی کے بعد اپنے راستے جدا کر لیے ہیں۔
راکھی نے عادل پر گھریلو تشدد اور غیر ازدواجی تعلقات رکھنے سمیت متعدد سنگین الزامات لگائے ہیں۔
