پاکستانی معروف اداکارہ و سپر ماڈل صدف کنول نے شوہر، اداکار شہروز سبزواری سے محبت کا اظہار کیا ہے۔
اداکارہ نے فوٹو اینڈ ویڈیو شیئرنگ ایپلیکیشن انسٹاگرام پر شہروز سبزواری کے ہمراہ خوبصورت تصویریں شیئر کی ہیں۔
صدف کنول نے شہروز سبزواری کو سالگرہ کی مبارکباد دیتے ہوئے پوسٹ کے کیپشن میں لکھا ہے کہ ’میرے پاس یہ بیان کرنے کے لیے الفاظ نہیں ہیں کہ آپ میری زندگی میں کتنے اہم ہیں، آپ کی محبت نے میری زندگی کو مکمل اور خوشگوار بنا دیا ہے۔‘
صدف کنول کا شہروز سے محبت کا اظہار کرتے ہوئے مزید کہنا ہے کہ ’مجھے اپنی زندگی کے بہترین تفریحی سال دینے کے لیے آپ کا شکریہ، یہ ہماری دوستی زندگی جتنی طویل ہے۔‘
دوسری جانب اداکار شہروز نے بھی اہلیہ کو اس پوسٹ کے کمنٹ باکس میں جواب دیا ہے۔
شہروز سبزواری نے اہلیہ کو اپنی زندگی کی روشنی قرار دیتے ہوئے لکھا ہے کہ ’میں آپ سے بہت محبت کرتا ہوں۔‘
واضح رہے کہ شہروز سبزواری اور صدف کنول کی ایک بیٹی بھی ہے جس کی اس فنکار جوڑی نے گزشتہ دنوں ہی پہلی سالگرہ منائی ہے۔
