بھارتی اداکارہ سشمیتا سین نے خود پر ہونے والی تنقید کا بےباکی کیساتھ جواب دے دیا۔
بھارتی اسپورٹس پریزینٹر للت مودی نے جب سشمیتا سین کے ساتھ اپنے تعلقات کا اعلان کیا تھا تو اس کے بعد انہیں ’گولڈ ڈگر‘ (سونے کا متلاشی) قرار دے کر ٹرول کیا جاتا رہا ہے۔
تاہم اپنے حالیہ انٹرویو کے دوران فلم آریا کی اداکارہ نے طنز کرتے ہوئے کہا کہ یہ اچھا ہے کہ ایسے تبصرے مجھ سے منسوب کیے جاتے ہیں اور میں ان کی اچھی سی وضاحت بھی پیش کرسکتی ہوں۔
سشمیتا کا کہنا تھا کہ بےعزتی بےعزتی ہی ہوتی ہے اگر آپ اسے قبول کرلیں، لیکن میں ایسا نہیں کرتی۔ کچھ چیزیں ایسی ہیں جس میں کسی کا کوئی کام نہیں۔
انہوں نے کہا کہ فلم انڈسٹری سے تعلق رکھنے والے کئی افراد ان سے یہ امید نہیں کریں گے وہ اس طرح کے تبصروں پر ردِعمل دیں۔
سشمیتا نے بےباک انداز میں یہ بھی کہا کہ یہ میرا معاملہ ہے اور میں جب چاہوں گی اس پر ردِعمل دوں گی۔
