پاکستانی ڈرامہ انڈسٹری کی خوبرو اداکارہ یمنیٰ زیدی نے سوشل میڈیا پر بھارتی مداح کے آرٹ کی تعریف کی ہے۔
جیو انٹرٹینمنٹ کے آن ایئر بلاک بسٹر ڈرامہ سیریل ’تیرے بن‘ سے پاکستان سمیت دنیا بھر میں شہرت حاصل کرنے والی اداکارہ یمنیٰ زیدی ناصرف پاکستان بلکہ بھارت میں بھی یکساں معروف ہیں۔
یمنیٰ زیدی کی ایک بھارتی مداح، معروف سوشل میڈیا انفلوئنسر منیشا مرودیا براجاپاتی عرف منو نے یمنیٰ کا اسکیچ بنا کر سوشل میڈیا پر شیئر کیا ہے اور ساتھ ہی اپنی اس پوسٹ پر اداکارہ کو ٹیگ بھی کیا ہے۔
منو کا اپنی اس پوسٹ میں یمنیٰ زیدی کے حسن کی تعریف کرتے ہوئے کہنا ہے کہ ’تیرے بن‘ کے شائقین کی بہت زیادہ مانگ پر یمنیٰ زیدی کی اب تک کی خوبصورت تصویر پیش کر رہی ہوں۔
منو کا کہنا تھا کہ ڈرامہ سیریل ’تیرے بن‘ کے پرستار ہونے کے ناطے، یہ خاکہ تیار کرنا میرا ذاتی انتخاب بھی تھا۔‘
یمنیٰ زیدی نے اپنی اس مداح کا یہ خوبصورت آرٹ اپنے انسٹاگرام اکاؤنٹ کی اسٹوری پر شیئر کیا ہے۔
یمنیٰ زیدی کا اس پر کمنٹ کرتے ہوئے لکھنا ہے کہ ’آپ کا یہ ہنر خوبصورت تحفہ ہے۔‘
یمنیٰ کی بھارتی مداح نے اس اسٹوری کو اپنی انسٹااسٹوری پر ری شیئر کرتے ہوئے یمنیٰ زیدی کا شکریہ ادا کیا اور اُنہیں پیار دیا ہے۔
