پاکستان شوبز انڈسٹری سے وابستہ ورسٹائل اداکار فیصل قریشی نے پہلی بار اپنی بڑی بیٹی حنیش قریشی سے متعلق اسکرین پر بات کرتے ہوئے بیٹی کے اداکاری کے کیریئر کے حوالے سے کھل کر بات کی۔
خیال رہے کہ گزشتہ دنوں ان کی سابقہ اہلیہ سے بڑی بیٹی حنیش قریشی نے ایک یوٹیوب چینل کو انٹرویو دیتے ہوئے بتایا تھا کہ انہیں کالج کے دنوں میں اداکاری کا بہت شوق تھا جس کے لئے وہ ان پر دباؤ بھی ڈالتی تھی تاہم پڑھائی کی وجہ سے والد نے کام کرنے کی اجازت نہیں دی۔
تاہم اب پہلی بار فیصل قریشی نے ٹی وی اسکرین پر اپنی بڑی بیٹی حنیش قریشی کے حوالے سے بات کرتے ہوئے بتایا کہ وہ اپنی دنیا میں مصروف ہے، کام کر رہی ہے، پہلے اس نے کچھ پروجیکٹس مں اداکاری کی ہے لیکن میرا نہیں خیال کہ وہ اداکاری کو مزید آگے لے کر چلے گی۔
انہوں نے بتایا کہ وہ میرٹ پر یقین رکھتے ہیں اگر کوئی حنیش یا پھر ان کے بھانجے دانیال کے حوالے سے ان سے رابطہ کرتا ہے تو اسے یہ ہی کہتے ہیں کہ اگر بہتر لگ رہا ہے تو کاسٹ کرو ورنہ نہیں، میں کسی کو ریفر نہیں کروں گا‘۔
انہوں نے مزید کہا کہ ’جو کسی کے ریفرینس سے کام کرتا ہے اور جو اپنے میرٹ پر کام کرتا ہے اس کا واضح فرق اسکرین پر نظر آجاتا ہے، اس لئے میں کبھی کسی کو ریفر نہیں کروں گا‘۔