جنوبی بھارتی فلم انڈسٹری سے وابستہ ہدایت کار، پروڈیوسر اور مزاحیہ اداکار ’منو بالا‘ آج 69 برس کی عمر میں وفات پا گئے۔
بھارتی میڈیا رپورٹس کے مطابق سینئر اداکار رجنی کانت نے بذریعہ ٹوئٹر اداکار ’منو بالا‘ کی موت کی تصدیق کرتے ہوئے پسماندگان سے تعزیت اور آنجہانی اداکار کے لئے دعا کی۔
خیال رہے کہ منوبالا نے اپنی منفرد آواز اور حس مزاح سے سامعین کو خوب لطف اندوز کیا۔
معروف فلم ساز بھرتی راجا کے ایسسٹنٹ کے طور پر اپنے کیریئر کا آغاز کرنے والے منوبالا نے تقریباً 700 فلموں میں کام کیا اور 40 فلموں کی ہدایت کاری کی اور چند فلمیں پروڈیوس بھی کیں۔
ان کی یادگار تامل فلموں میں سیتھو ، پتھاماگن ، اورکاولن ، کترین موزی اور چکرا شامل ہیں ۔
ان کی آخری رسومات چنائی میں ان کی رہائش گاہ پر ادا کی جائیں گی۔
