پاکستان شوبز انڈسٹری کی ابھرتی ہوئی اداکارہ انعم تنویر کا کہنا ہے کہ ضروری نہیں کہ مشہور اداکار، اچھا اداکار بھی ہو۔
جیو ٹی وی کے شو ’ہنسنا منع ہے‘ میں بطور مہمان شرکت کرنے والی اداکارہ انعم تنویر نے پروگرام کے میزبان تابش ہاشمی سے دوران شو مختلف موضوعات پر گفتگو کی۔
دوران گفتگو ایک سوال کہ ماہرہ خان اور صبا قمر کی طرح مشہور کیوں نہیں ہوئیں؟ کیا شہرت حاصل کرنے کے لئے بالی ووڈ میں کام کرنا ضروری ہے؟ کے جواب میں انہوں نے کہا کہ انہوں نے 2012 میں انڈسٹری میں قدم رکھا تاہم 2019 تک اداکاری کو سنجیدگی سے نہیں لیا، تاہم جب 2019 میں اداکاری کو سنجیدگی سے لینا شروع کیا تو ان کے کئی ڈرامے ہٹ ہوئے۔
انہوں نے اس سوال کا جواب دیتے ہوئے مزید کہا کہ مشور اداکار اور اچھا اداکار ہونا دو مختلف باتیں ہیں، یہ ضروری نہیں کہ شہرت حاصل کرنے کے لئے بالی ووڈ میں کام کیا جائے لیکن یہ المیہ ہے کہ ہمارے یہاں ایک اسٹار کو اس وقت تک اسٹار تسلیم نہیں کیا جاتا جب تک وہ بالی ووڈ میں کام کرکے نہ آجائے۔ ہمیں چاہئے کہ ہم اپنے ٹیلنٹ کو پہچانیں اور فنکاروں کی عزت کریں۔
