لالی ووڈ کی فلم بن روئے سے شہرت پانے والی ہمایوں سعید اور ماہرہ خان کی جوڑی کے مداح اب ایک بار پھر اس جوڑی کو بڑی اسکرین پر اگلے برس دیکھ سکیں گے۔
اس سے قبل ہمایوں سعید اور ماہرہ خان کو 2015 میں ریلیز ہونے والی فلم ’بن روئے‘ میں دیکھا گیا تھا۔
تاہم اب یہ جوڑی ندیم بیگ کی ہدایت کاری میں بننے والی فلم ’لو گرو‘ میں ایک بار پھر دکھائی دے گی، جسے واسع چوہدری نے قلم بند کیا ہے۔ یہ فلم بھی ان کی دیگر فلموں کی طرح رومینٹک کامیڈی ہوگی۔
ہمایوں سعید اور شہزاد نصیب کی پروڈیوس کردہ اس فلم کی شوٹنگ ممکنہ طور پر رواں برس جون میں شروع ہوگی جبکہ 2024 کے آغاز میں فلم سینما گھروں کی زینت بنے گی۔
