بالی ووڈ اداکارہ شہناز گل کو اونٹ سواری مہنگی پڑگئی۔
بھارتی میڈیا کے مطابق 28 سالہ اداکارہ نے اپنے سوشل میڈیا اکاؤنٹ پر اونٹ سواری کی ویڈیو شیئر کی۔
ویڈیو میں دیکھا جاسکتا ہے کہ شہناز گل اونٹ پر بیٹھ کر بہت زیادہ ڈر جاتی ہیں اور اونٹ کو سنبھالنے والے شخص کی موجودگی کے باوجود وہ ڈر کے باعث چیختی بھی ہیں۔
انہوں نے اپنی پوسٹ کے ساتھ ڈر جانے کا اعتراف کرتے ہوئے لکھا کہ جان ہے تو جہاں ہے، میں ڈر گئی تھی۔
اداکارہ کی پوسٹ پر ویڈیو کو کچھ لوگوں نے مزاحیہ سمجھ کر اس پر ہنسی کے ایموجیز بھی کمنٹ سیکشن میں استعمال کیے۔
