لائیو شو میں عاصم اظہر کا میرب علی سے محبت کا اظہار؛ ویڈیو وائرل
گزشتہ رات منعقد ہونے والے لکس اسٹائل ایوارڈ شو میں معروف گلوکار عاصم اظہر نے اپنی منگیتر و اداکارہ میرب علی سے سب کے سامنے پیار کا اظہار کیا۔
پاکستانی شوبز انڈسٹری میں اہم سمجھی جانے والی لکس اسٹائل ایوارڈز 2022 کی تقریب گزشتہ روز منعقد ہوئی جس میں نامور شوبز شخصیات اور مشہور و معروف افراد شریک ہوئے۔
ایسے میں اپنی پرفارمنس کے دوران عاصم اظہر نے اپنی منگیتر سے منفرد انداز میں محبت کا اظہار کیا جس کی ویڈیو سوشل میڈیا پر وائرل ہوگئی۔
ویڈیو میں دیکھا جاسکتا ہے کہ عاصم اظہر اپنی پرفارمنس کے دوران میرب کے پاس آتے ہیں اور انہیں پھول دیتے ہیں جس کے بعد سب تالیاں بجاتے ہوئے خوشی کا اظہار کرتے ہیں۔
میرب علی اور عاصم اظہر نہ صرف بہت اچھے دوست ہیں بلکہ مختلف مقامات پر بھی دونوں کو ایک ساتھ متعدد مرتبہ دیکھا جاچکا ہے۔
یاد رہے کہ رواں برس مارچ کے مہینے میں گلوکار عاصم اظہر نے ابھرتی ہوئی اداکارہ وماڈل میرب علی سے منگنی کی تھی۔
