بالی ووڈ فلم انڈسٹری کی خوبصورت اور مشہور اداکارہکترینہ کیف اپنے جم کے باہر کیمرہ مینوں کو دیکھ کر برہم ہو گئیں۔
بھارتی میڈیا رپورٹس کے مطابق 2 روز قبل کترینہ کیف جم جانے کے لیے اپنی گاڑی سے اتر رہی تھیں کہ کیمرہ مینز نے اپنے کیمرے ان کی طرف کر لیے۔
اداکارہ کترینہ نے کیمرہ مینوں کو اپنی جانب آتے دیکھ کر اپنی گاڑی کا دروازہ بند کرنے کی کوشش کی۔
اس کے بعد کیمرہ مینز میں سے ایک اداکارہ کو رُکنے کے لیے کہتا ہے تو وہ آگے سے جواباً کترینہ انہیں اپنے کیمرے نیچے کرنے کو کہتی ہیں۔
جب کترینہ کو احساس ہوتا ہے کہ وہ ابھی بھی کیمروں کے فریم میں ہیں تو وہ کہتی ہیں کہ “آپ لوگ کیمرہ نیچے رکھو، ہم یہاں ایکسرسائز کرنے آئے ہیں”۔
اس کے بعد وہ غصے میں کیمروں سے دور چلی گئیں۔
خیال رہے کہ کترینہ کیف کی رواں ماہ کے آغاز میں فلم “فون بھوت” ریلیز ہوئی ہے جس میں انہوں نے بھوت کا کردار ادا کیا ہے۔
