پاکستان شوبز انڈسٹری کی خوبرو اداکارہ مایا علی کو بین الاقوامی ایوارڈ کے لیے نامزد کرلیا گیا ہے۔
متحدہ عرب امارات میں ہونے والے عرب فیسٹیول ایوارڈز نے مایا علی کو پاکستان کی بہترین اداکارہ کے خصوصی ایوارڈ کے لیے منتخب کیا ہے۔
ڈسٹنکٹو انٹرنیشنل عرب فیسٹیول ایوارڈز ’DIAFA‘ نے اپنے انسٹاگرام ہینڈل پر مایا علی کو ٹیگ کرتے ہوئے ان کی نامزدگی کا اعلان کیا۔
عالمی سطح پر تسلیم شدہ ڈسٹنکٹو انٹرنیشنل عرب فیسٹیول ایوارڈز (DIAFA) کی تقریب 4 نومبر کو دبئی کے کریک ہاربر مرینا کلب میں منعقد کی جائے گی۔
اس تقریب میں ممتاز بین الاقوامی اور عرب شخصیات کو ان کی کامیابیوں اور معاشرے کی بہتری میں شراکت کے اعتراف میں اعزاز سے نوازا جاتا ہے۔
اس سے قبل 2020 میں سجل علی کو انٹرنیشنل آئیکون جبکہ 2019 میں پاکستان کی سُپر اسٹار ماہرہ خان نے بھی یہ اعزاز اپنے نام کیا تھا۔
