پاکستان کی مشہور اداکارہسائرہ یوسف کی بیٹی نورے شہروز کے ساتھ ہالووین منانے کی تصاویر سوشل میڈیا پر وائرل ہو گئی ہیں۔
حال ہی میں سائرہ یوسف کی بہن پلوشہ یوسف نے اپنے سیلون میں ہالووین کے خصوصی پاپ اپ کا اہتمام کیا، جس میں نورے نے اپنے دوستوں کے ساتھ اچھا وقت گزارا۔
اس تقریب میں سائرہ یوسف بھی موجود تھیں ،جو وہاں موجود بچوں کے چہروں پر پینٹ کر رہی تھیں۔
سائرہ یوسف کی بیٹی کو ہالووین کاسٹیوم میں دیکھا جاسکتا ہے، جس میں وہ بہت پیاری لگ رہی ہے۔
اس سے قبل اداکارہ نے اپنے انسٹاگرام اکاؤنٹ پر ایک ویڈیو پوسٹ کی تھی جسے مداحوں کی جانب سے خوب پسند کیا گیا تھا۔
شیئر کی گئی ویڈیو میں اداکارہ نے خوبصورت مشرقی لباس زیب تن کیا ہوا تھا۔
گزشتہ دنوں اداکارہ نے اپنے تصدیق شدہ انسٹاگرام اکاؤنٹ پر تصویر پوسٹ کی تھی۔
شئیر کی گئی تصویر میں سائرہ یوسف نے سرخ رنگ کا لباس زیب تن کیا ہوا تھا جس میں وہ اور بھی زیادہ حسین لگ رہی تھیں۔
واضح رہے کہ اداکارہ سائرہ یوسف کی شادی شہروز سبزواری سے بہت کم عمر میں ہوئی تھی اور اس جوڑے کی ایک بیٹی نورے شہروز ہے ۔
تاہم، وقت کے ساتھ حالات بدل گئے اور اس جوڑے کو اختلافات کی وجہ سے الگ ہونا پڑا۔
اداکار شہروز سبزواری نے جلد ہی ماڈل و اداکارہ صدف کنول سے دوبارہ شادی کر لی لیکن سائرہ نے اپنے کیرئیر پر توجہ دیتے ہوئے ترقی حاصل کی۔
