ایشیاکپ میں پاک بھارت مقابلہ 28 اگست کو دبئی کے انٹرنیشنل اسٹیڈیم میں شام 7 بجے کھیلا جائے گا۔
ایشیاکپ اس سے قبل ون ڈے فارمیٹ میں کھیلا جاتا رہا ہے اور یہ پہلا موقع ہے جب ایشیاکپ کو ٹی ٹوئنٹی فارمیٹ تک محدود کیا گیا ہو۔
ایشیا کپ میں پاکستان اور بھارت کی ٹیمیں 13 مرتبہ ایک دوسرے کے مدمقابل آچکی ہیں جس میں سے 7 میچز بھارت کے نام رہے جب کہ 5 میچز میں پاکستان نے کامیابی حاصل کی۔
اس سے قبل 2018 میں کھیلے گئے ایشیاکپ کے سپر فور میچ میں بھارت نے پاکستان کو 9 وکٹوں سے شکست دے کر فائنل تک رسائی حاصل کی تھی جس کے بعد وہ بنگلادیش کو شکست دے کر ایونٹ کا فاتح قرار پایا تھا۔
علاوہ ازیں پاکستان ٹیم بھارت کے خلاف 9 مرتبہ ٹی ٹوئنٹی میچز کھیل چکی ہے جس میں 6 کامیابیوں کے ساتھ بھارت کا پلڑا بھاری ہے جب کہ 2 میچز پاکستان کے نام رہے اور ایک میچ بے نتیجہ رہا ہے۔
واضح رہے کہ ایشین کرکٹ کونسل کی بنیاد 1983 میں رکھی گئی تھی جب کہ پہلا ایشیاکپ 1984 میں شارجہ میں کھیلا گیا تھا۔
یہ ایشیاکپ کا 15 واں ایڈٰیشن ہے جو اس سے قبل ستمبر 2020 میں کھیلا جانا تھا لیکن عالمی وباء کورونا وائرس کے سبب ایونٹ کو منسوخ کردیا گیا تھا۔
ایشیاکپ کا ٹائٹل 7 مرتبہ بھارت کے نام رہا ہے جب کہ دو مرتبہ پاکستان اور پابچ مرتبہ سری لنکا کے نام رہا ہے۔
