لاہور: انٹرنیشنل کرکٹ کونسل(آئی سی سی ) نے مئی کے مہینےمیں بہترین پلئیر کے لئے نامزدگیوں کا اعلان کردیا۔
آئی سی سی نے مئی کے مہینے میں بہترین پرفارمنس پیش کرنے والی کھلاڑی کے انتخاب کے لئے نامزدگیوں کا اعلان کردیا۔ پاکستان کی خواتین کرکٹرز بسمعہ معروف اورطوبیٰ حسن کا نام بھی نامزدگیوں میں شامل ہے۔ طوبیٰ حسن نے سری لنکا کے خلاف ہوم سیریز میں بہترین کھلاڑی کا ایوارڈ اپنے نام کیا۔
طوبیٰ حسن نے اپنے ڈیبیو ٹی 20 میچ میں 4 اوورز میں ایک میڈن کرتے ہوئے 3 وکٹیں حاصل کیں۔آئی سی سی نے طوبیٰ حسن کی پرفارمنس کو شاندار الفاظ میں سراہا۔
بسمعہ معروف نے سری لنکا کے خلاف سیریز میں عمدہ بیٹنگ پرفارمنس کے ساتھ ٹیم کی جیت میں اہم کردار ادا کیا۔ نامزدگیوں میں تیسری کھلاڑی جرسی کی ترینٹی اسمتھ ہیں۔
