کراچی: عالمی مارکیٹ میں سونے کی فی اونس قیمت میں 5 ڈالر جب کہ فی تولہ سونے کی قیمت میں 700 روپے کا اضافہ ہوا ہے۔
ایکسپریس نیو زکے مطابق بین الاقوامی بلین مارکیٹ میں سونے کی فی اونس قیمت میں 5 ڈالر کا اضافہ ہوا، جس کے نتیجے میں عالمی مارکیٹ میں سونے کی فی اونس قیمت بڑھ کر 1926 ڈالر کی سطح پر آگئی، جب کہ کاروباری ہفتے کے پہلے روز پاکستان میں بھی سونے کی فی تولہ اور دس گرام قیمت میں بالترتیب 700 روپے اور 600 روپے کا اضافہ ہوگیا۔
قیمتوں میں اضافے کے نتیجے میں کراچی، یدرآباد، سکھر، ملتان، لاہور، فیصل آباد، راولپنڈی، اسلام آباد، پشاور اور کوئٹہ کی صرافہ مارکیٹوں میں فی تولہ سونے کی قیمت بڑھنے کے بعد ایک لاکھ 30 ہزار 700 روپے کی سطح پر پہنچ گئی، جب کہ 10 گرام سونے کی قیمت اضافے کے بعد 1 لاکھ 12 ہزار 54 روپے ہوگئی۔
