سوچی: ایپی ویک کرونا ویکسین نہایت متعدی اور بھارتی اقسام ڈیلٹا اور ڈیلٹا پلس کو وِڈ ویرینٹس کے خلاف بھی مؤثر ہے۔
تفصیلات کے مطابق روسی ویکسین EpiVacCorona کے بارے میں جمعرات کو اسٹیٹ ریسرچ سینٹر آف وائرولوجی کے سربراہ رینات ماکسیٹوف نے بتایا کہ یہ ویکسین کرونا وائرس کی تمام خطرناک اقسام کے خلاف مؤثر ہے، بشمول ڈیلٹا اور ڈیلٹا پلس اسٹرینز۔
انھوں نے کہا کہ یہی پیپٹائڈ ہی ایپی ویک کرونا ویکسین کی بنیاد کی تشکیل کرتا ہے، اس لیے یہ وائرس میں آنے والی تبدیلیوں کے آگے مؤثر رہتی ہے۔
خیال رہے کہ ڈیلٹا کرونا وائرس اسٹرین سب سے پہلے اکتوبر 2020 میں بھارت میں سامنے آیا تھا، جب کہ حال ہی میں سامنے آنے والے ڈیلٹا پلس ویرینٹ سے بھی بھارت میں متعدد ہلاکتیں ہو چکی ہیں۔
آل انڈیا انسٹیٹیوٹ آف میڈیکل سائنسز نے کہا تھا کہ ڈیلٹا اسٹرین ان افراد کو بھی متاثر کر رہا ہے جنھیں کوویکسین اور کووی شیلڈ ویکسینز لگ چکی ہیں، اس کے بعد آنے والا ویرینٹ ڈیلٹا پلس اس سے بھی زیادہ متعدی ہے۔
