صوبہ سندھ میں 5 ماہ بعد آج سے لاک ڈاؤن کی پابندیاں نرم کرنے کا فیصلہ کیا گیا ہے۔
تفصیلات کے مطابق سندھ بھرمیں کورونا وائرس کے مریضوں میں نمایاں کمی کے بعد سندھ حکومت نے خوشخبری کا اعلان کرتے ہوئے ، صوبے میں 5 ماہ بعد آج سے لاک ڈاؤن کی پابندیاں ختم کرنے کا فیصلہ کیا ہے۔
ترجمان وزیر اعلیٰ ہاؤس کے مطابق سندھ میں 10 اگست ( آج ) سے کاروباری، تجارتی اور صنعتی سرگرمیاں بحال کر دی جائیں گی۔
ترجمان کا کہنا ہے کہ آج سے تمام کاروباری اور تجارتی سرگرمیاں کی جاسکیں گی۔
کاروباری اوقات کار بھی بڑھائے جائیں گے ہوٹلز، ریسٹورینٹس رات 10 بجے تک کھلے رکھے جاسکیں گے، ہوٹلز، ریسٹورنٹس اور فوڈ کورٹس ٹیبل سروس بھی کرسکیں گے۔
ترجمان کے مطابق کاروباری پابندیوں کے خاتمے کے ساتھ ایس اوپیز کا نفاذ ہوگا جبکہ شادی ہالز و تعلیمی اداروں سے متعلق فیصلہ آئندہ ماہ ہوگا۔
محکمہ داخلہ سندھ کے نوٹیفکیشن کے بعد نئے حکم نامے کا اطلاق ہوگا۔
دوسری جانب محکمہ داخلہ نے پابندیاں نرم کیے جانے اور سرگرمیاں بحال کرنے کے حوالے سے تاحال نوٹیفکیشن اور نہ ہی ایس او پیز کے حوالے سے ہدایات جاری کی ہیں۔
