£190 ملین کیس میں تحریک انصاف کے بانی عمران خان اور ان کی اہلیہ بشریٰ بی بی کے خلاف فیصلہ تیسری بار موخر کر دیا گیا۔
احتساب عدالت نے اب 17 جنوری کو فیصلے کے اعلان کی تاریخ مقرر کی ہے۔
آج کی سماعت کے دوران نہ تو ملزمان کے وکلا اور نہ ہی خود ملزمان عدالت میں پیش ہوئے۔ احتساب عدالت کے جج ناصر جاوید رانا نے وضاحت کی کہ 6 جنوری کو وہ تربیتی مصروفیات کے باعث فیصلہ سنانے سے قاصر رہے۔
عدالت نے واضح کیا کہ بشریٰ بی بی کو آج کے فیصلے کی تاریخ سے آگاہ کیا گیا تھا لیکن وہ حاضر نہ ہوئیں۔ مزید یہ کہ عمران خان کو دو بار پیغام بھیجا گیا لیکن وہ بھی سماعت میں شریک نہیں ہوئے۔
