حساس سرکاری معلومات چرانے کے لیے ہیکرز ایک بار پھرسرگرم ہوگئے اور واٹس ایپ نمبرز اور جعلی ای میلز سے حکومتی افسران پر سائبر حملے شروع ہو گئے ہیں۔
ذرائع نے بتایا کہ ہیکرز نے واٹس ایپ نمبروں اور جعلی ای میلز کے ذریعے حکومتی افسران پر سائبر حملے شروع کردیے ہیں۔
باوثوق ذرائع نے بتایا کہ ہیکرز مختلف سسٹمز تک رسائی کے لیے سافٹ ویئر سے فائلز بھیجتے ہیں جہاں وائرس شدہ پیغامات بھیجے جا رہے ہیں۔
ذرائع نے بتایا کہ اس سلسلے میں کابینہ ڈویژن نے وفاقی وزارتوں، ڈویژنز اور صوبائی حکومتوں کو مراسلہ ارسال کردیا۔
مراسلے میں نامعلوم نمبر یا ای میل سے فائلوں کو ڈاؤن لوڈ نہ کرنے کی ہدایت کی گئی ہے۔
