پاکستان شوبز انڈسٹری کی سابقہ اداکارہ نور بخاری نے غیر تہذیبی و ثقافتی تقریبات کے بڑھتے رجحان کو باعث تشویش قرار دیا۔
نور بخاری نے فوٹو اینڈ ویڈیو شیئرنگ پلیٹ فارم انسٹاگرام پر ہیلووین کو غیر تہذیبی و ثقافتی کہتے ہوئے اسے منانے والوں پر افسوس کا اظہار کیا۔
اداکارہ نے لکھا کہ جتنا پاکستانیوں نے ہیلووین کو منایا ہے، وہ کافی تشویشناک ہے، یہ ہماری تہذیب و ثقافت کا حصّہ بنتا جا رہا ہے۔
واضح رہے کہ دو روز قبل کراچی میں ہونے والی ہیلووین پارٹی میں شوبز انڈسٹری کی کئی شخصیات نے شرکت کی۔
