پاکستان شوبز انڈسٹری کی معروف اداکارہ فضا علی نے حالیہ انٹرویو کے دوران اپنی مرحوم والدہ اور بڑی بہن کو یاد کرتے ہوئے کہا کہ جب گھر کا بزرگ اس دنیا سے چلا جاتا ہے تو آپ کا سایہ بھی اپنے ساتھ لے جاتا ہے۔
حال ہی میں اداکارہ و ماڈل فضا علی نے نجی چینل کے پروگرام میں بطور مہمان شرکت کی، جہاں انہوں نے اپنے بجھڑے عزیزوں اور ان سے جڑی بچپن کی یادوں کو تازہ کیا۔
دوران شو انہوں نے اپنی مرحوم والدہ کو یاد کیا اور بتایا کہ انہوں نے کس طرح قربانیاں دے کر انہیں پالا، اسی دوران انہوں نے مرحو والدہ کے نام لکھا ایک خط بھی پڑھ کر سنایا، جو انہوں نے 14 برس قبل انہیں اُس وقت لکھا تھا جب وہ بیمار تھی اور اپنی زندگی کی جنگ لڑ رہی تھی۔
انہوں نے بتایا کہ جب وہ ملازمت میں مصروف ہوتی تو ان کی غیر موجودگی میں ان کی بڑی بہن تمام چھوٹے بہن بھائیوں کی دیکھ بھال کرتی لیکن اب حال ہی میں ان کا انتقال بھی ہوگیا، والدہ اور بہن کی کمی محسوس کرتے ہوئے انہوں نے کہا کہ جب گھر کا بزرگ اس دنیا سے چلا جاتا ہے تو آپ کا سایہ بھی اپنے ساتھ لے جاتا ہے۔
