پاکستان کے لیجینڈری اور معروف گلوکار سجاد علی کے گانے نا صرف پاکستان میں بلکہ پوری دنیا میں مقبول ہیں اور پسند بھی کیا جاتا ہے۔
سجاد علی نے 1989 میں نورین نامی خاتون سے شادی کی اور ایک نئی زندگی کا آغاز کیا اور ان کا ایک بیٹا بھی ہے جس کا نام زاؤ علی ہے۔
گلوکار نے اپنی شادی کی 33ویں سالگرہ کے موقع پر ٹویٹر پر ایک تصویر شیئر کرتے ہوئے انوکھا تحفہ پیش کیا۔
سجاد علی نے اہلیہ کے ہمراہ بچپن کی اور حال کی ایک تصویر شیر کی جسے مداحوں کی جانب سے خوب پسند کیا جارہا ہے۔
پہلی تصویر میں دیکھا جاسکتا ہے کہ سجاد علی ایک لڑکی کے ساتھ بیٹھے ہیں اور اسے ایسے دیکھ رہے ہیں جیسے کہ وہ ناراض ہے اور اسی پر انہوں نے لکھا کہ ’تم ناراض ہو‘؟ جبکہ دوسری تصویر حال ہی کی ہے جس میں انہیں اہلیہ کے ساتھ دیکھا جاسکتا ہے کہ اور اس تصویر پر لکھا ہے کہ ’میرے کتنے پاس ہو‘۔
دراصل پہلی تصویر میں گلوکار کے ساتھ موجود ان کی اہلیہ ہی ہیں جو کہ بچپن کی تصویر ہے۔
سجاد علی نے تصویر شیئر کرتے ہوئے کیپشن میں لکھا کہ ’یہ کیسے شروع ہوا اور کیسے چل رہا ہے، شادی کی سالگرہ مبارک ہو، بچپن میں ایسا کس نے سوچا تھا۔
سجاد علی کی اس پوسٹ کو دیکھنے کے بعد مداح انہیں مبارکباد پیش کر رہے ہیں اور دعائیں دے رہے ہیں۔
