سابق گلوکارہ رابی پیرزادہ نے کہا ہے کہ میں کسی بھی جنگلی جانور کو باآسانی اپنے قابو میں کرسکتی ہوں۔
حال ہی میں اپنے دیئے گئے ایک انٹرویو میں رابی پیرزادہ کا کہنا تھا کہ میں کسی بھی قسم کے جنگلی جانور، شیر، سانپ، اژدھے یا پھر بھیڑیے کو باآسانی کنٹرول کر سکتی ہوں اور یہ ہنر مجھے خدا کی طر ف سے ملا ہوا ایک تحفہ ہے۔
رابی پیرزادہ کے مطابق ان کے خلاف بغیر لائسنس کے جنگلی جانوروں کو رکھنے کا مقدمہ بھی درج کروایا گیا تھا جو اب ختم ہوگیا ہے جس کے باعث وہ تفصیلات شیئر کر رہی ہیں۔
ان کا کہنا تھا کہ میرے اپنے ذاتی جانور نہیں تھے، میں ایک پروگرام کے لیے گئی تھی تو وہاں میں نے دیکھا اور کہا کہ ان کے ساتھ تصاویر بنوا کر بھارتی وزیر اعظم مودی کو ڈراتی اور دھمکاتی ہوں، وہ ویڈیوز وائرل ہو گئیں اور وائلڈ لائف والوں نے مجھ پر کیس کر دیا۔
انہوں نے کہا کہ جب بھی آپ کے گھر سے کوئی سانپ، شیر یا بھیڑیا نکلے تو آپ مجھے بلانا میں اسے آپ کے سامنے پرسکون کرکے دکھاؤں گی، تھوڑی دیر میں وہ میرے پاس صوفے پر سکون سے بیٹھا ہوگا۔
