بالی ووڈ کی معروف اداکارہ کرینہ کپور نے انکشاف کیا ہے کہ ان کے بیٹے تیمور علی خان نے ان سے اپنی ’آیا‘ کے بارے میں ایک اہم سوال پوچھا۔
کرینہ کپور نے حال ہی میں اپنے ایک انٹرویو کے دوران بتایا کہ میرے بڑے بیٹے نے ہم سے اپنی ’آیا‘ کے بارے میں یہ سوال کیا کہ وہ ہم سب کے ساتھ بیٹھ کر کھانا کھانے کے بجائے الگ بیٹھ کر کھانا کیوں کھاتی ہیں؟
اُنہوں نے بتایا کہ جب سے تیمور کے ذہن میں یہ سوال آیا ہے تو تب سے میں اور سیف ہمییشہ اس بات کا دھیان رکھتے ہیں کہ ہمارے بچوں کی آیا بھی ہمارے ساتھ بیٹھ کر ہی کھانا کھائیں، اب یہ ہمارے گھر کا اصول ہے۔
کرینہ کپور نے بتایا کہ جب میں اپنا کام کر رہی ہوتی ہوں تو آیا میرے بچوں کی دیکھ بھال کرتی ہیں، ہم سب زیادہ تر وقت ساتھ گزارتے ہیں اور ایک ساتھ سفر بھی کرتے ہیں۔
اُنہوں نے بتایا کہ آیا میرے بچوں کا خیال بالکل اپنے بچوں کی طرح رکھتی ہیں تو انہیں بھی وہی عزت ملنی چاہیے جو سیف اور مجھے حاصل ہے۔
