بالی وڈ اداکارہکریتی سینن نے اپنے اور تیلگو اداکار پربھاس کے ساتھ تعلقات کی افواہوں پر خاموشی توڑ دی۔
انہوں نے اپنے انسٹاگرام کے ذریعے گردش کرتی افواہوں کی تردید کرتے ہوئے انہیں بے بنیاد قرار دیا۔
اداکارہ نے لکھا کہ ورون دھون ریئلٹی شو میں کچھ زیادہ ہی جذباتی ہو گئے تھے اور ان کا کیا ہوا، مذاق افواہوں کا سبب بن گیا۔
کریتی سینن کا لکھنا تھا کہ نہ یہ پیار ہے اور نہ ہی پی آر ہمارا ’’بھیڑیا‘‘ ریئلٹی شو پر کچھ زیادہ ہی جذباتی ہو گیا تھا۔
کریتی نے لکھا کہ اس سے پہلے کہ کوئی پورٹل میری شادی کی تاریخ کا اعلان کر دے ،میں آپ کا یہ غبارہ ہی پھوڑ دیتی ہوں، یہ افواہیں بے بنیاد ہیں۔
یاد رہے کہ اپنی نئی فلم ‘بھیڑیا’ کی تشہیر کے لیے اداکارہ کریتی سینن اور ورون دھون بھارتی ڈانس شو ‘جھلک دکھلا جا’ کے مہمان بنے، جہاں ورون دھون نے نام لیے بغیر کریتی سینن اور پربھاس کے تعلقات سے متعلق اشارہ دیا تھا۔
