ڈیلس ( رپورٹ راجہ زاہد اختر خانزادہ )
بین القوامی شہرت یافتہ سروں کے سلطان استاد راحت فتح علی خان امریکہ کے مختلف شہروں میں اپنی آواز کا جادو جگا رہے ہیں ڈیلس میں ناصر حبا انٹرٹینٹمینٹ کی جانب سے ہونے والے سولڈ آوٹ کنسرٹ میں استاد راحت فتح علی خان نے اپنی خوبصورت گائیکی کے ذریعہ ناظرین کو زبردست محضوظ کیا انہوں نے اپنے سروں کی سرگم سے سماں باند دیا دیا . ڈیلس میں شو کے پرموٹر ناصر صدیقی کا کہنا تھا کہ ہمیں اس بات پر فخر ہے کہ استاد راحت پاکستانی موسیقی کو دنیا بھر میں متعارف کراکر میوزک کے ذریعہ بین القوامی سطح پر پاکستان کا نام روشن کررہے ہیں ۔ ہیوسٹن کے معروف شوبزنس انڈسڑی کے پرموٹر ریحان صدیقی اس کنسرٹ میں میزبانی کی فرائض سرانجام دیئے ۔ڈیلس میں چار گھنٹوں پر مشتمل کنسرٹ میں استاد راحت فتح علی خان نے سروں کی مالا میں پروئی ہوئیں غزلیں گیت اور قوالیاں پیش کرکے ڈھیروں داد تحسین وصول کی. اس رنگا رنگ کنسرٹ میں ساؤتھ ایشین کمیونٹی کی بڑی تعداد نے شرکت کی اور سریلے بولوں پر سینکڑوں افراد کا مجمع گھنٹوں تک جھومتا رہا۔ گانوں کے ساتھ ساتھ راحت فتح علی خان کے صوفیانہ کلام نے ناظرین کو دیوانہ بنا دیا۔
