چین نے ایک بار پھر کورونا وائرس پر قابو پا کر اسے شکست دے دی ہے۔
تفصیلات کے مطابق دوسری لہر میں آنے والے اس وائرس کا چین میں زور ٹوٹ گیا، جمعرات کو صرف 21کیس سامنے آئے جو کہ ایک دن پہلے تک 31تھے اب ہر گزرتے دن کے ساتھ کیسز میں کمی واقع ہورہی ہے۔
دوسری جانب نیوزی لینڈ جہاں کورونا وائرس کا کوئی کیس نہیں تھا لیکن اب حال ہی میں تین کیس سامنے آنے کے بعد عوام میں مایوسی کی لہر دوڑ گئی۔
نیوزی لینڈ میں ایک نیا کیس 60 سالہ شخص میں سامنے آیا ہے جو کہ 11 جون کو دو حا اور میلبرن کے راستے پاکستان میں لاہور بھی گیا تھا۔
بین الاقوامی ذرائع ابلاغ کے مطابق بھارت میں ہزاروں نئے کیس سامنے آگئے ہیں۔
ادھر امریکی صدرٹرمپ نے کورونا وائرس کے باوجود ملک بھر میں کاروبار بند نہ کرنے کا اعلان کیا ہے۔
اٹلی میں کورونا وائرس سے مزید 66 اموات ہوئی ہیں جبکہ وائرس کے 333 نئے کیسز بھی رپورٹ ہوئے ہیں۔
برطانیہ میں کورونا وائرس سے مزید ہلاکتیں ہوئی ہیں جس کے بعد ملک میں ہلاکتوں کی تعداد 42ہزار 288 ہو گئی ہیں۔
