سنگاپور جدید ٹیکنالوجی کے زریعے شہریوں کی تصدیق کرنے والا دنیا کا پہلا ملک بن گیا ہے ۔
غیر ملکی خبررساں ادارے کے مطابق سنگاپور کی حکومت نے ڈیجیٹل طریقے سے شناخت کی اس اسکیم کو ’سنگ پاس‘ کا نام دیا ہے جس کے ذریعے سے حکومتی سروسز سے استفادہ حاصل کیا جا سکتا ہے۔
بائیو میٹرک طریقے سے شناخت کے ذریعے سنگاپور کے شہریوں کو حکومتی اور نجی سروسز تک رسائی کی اجازت ہو گی۔
سنگاپورکی ٹیکنالوجی ایجنسی کے حکام کا کہنا ہے کہ یہ ٹیکنالوجی ملک کی ڈیجیٹل اکانومی کی بنیاد ہو گی۔
سنگاپورکےایک بینک میں اس ٹیکنالوجی کی کامیاب آزمائش کے بعد اب اسے پورے ملک میں نافذ کیا جا رہا ہے۔
حکام کے مطابق اس ٹیکنالوجی کے ذریعے نہ صرف سامنے والے شخص کی شناخت ہوتی ہے بلکہ یہ اس بات کو بھی یقینی بناتا ہے کہ بندہ حیقیقت میں موجود ہے۔
سنگاپور کو چہرہ شناسی کی ٹیکنالوجی فراہم کرنے والی برطانوی کمپنی آئی پروو (iProov) کے چیف ایگزیکٹو اینڈریو بڈ کا کہنا ہے کہ جب آپ کو کسی شخص کی تصدیق کرنی ہو تو اس بات کو یقینی بنانا ہوتا ہے کہ وہ شخص خود سامنے موجود ہو، آپ کسی تصویر، ویڈیو اور ریکارنڈنگ کو نہیں دیکھتے۔
اینڈریو بڈ کا کہنا ہے کہ یہ پہلی مرتبہ ہے کہ حکومتی سطح پر کلاؤڈ-بیسڈ کے ذریعے چہرے کی تصدیق کا طریقہ کار اپنایا جا رہا ہے۔
آئی پروو کے چیف ایگزیکٹو کامزید کہنا ہےکہ چہرے کے ذریعے پہچاننے کے اس طریقہ کار میں تمام سماجی پابندیوں کا خیال رکھا گیا ہے۔
