کراچی: پاکستان اسٹیٹ آئل کمپنی لمیٹڈ نے 29.14 ارب روپے کے ٹیکس کے بعد منافع (پی اے ٹی) کا اعلان کردیا جو 30 جون 2021 کو ختم ہونے والے سال کے لیے (ای پی ایس) 62.07 روپے فی حصص ہے۔
کمپنی نے 10 روپے فی شیئر کیش ڈیویڈنڈ کا بھی اعلان کیا ہے۔
اینگرو کی آمدنی میں 88 فیصد اضافہ
اینگرو کارپوریشن لمیٹڈ نے 30 جون 2021 کو ختم ہونے والے سال کے لیے 17.05 ارب روپے کا ای اے ٹی (29.60روپے فی حصص) جاری کردیا۔
گزشتہ سال کے مقابلے میں موجودہ پی اے ٹی پر 9 ارب سے زائد کا اضافہ ہوا جو 88 فیصد بنتا ہے اور ای پی ایس 15.73 روپے رہا۔
بورڈ نے دوسری سہ ماہی کے لیے 7 روپے فی حصص نقد منافع کا بھی اعلان کیا۔
سونیری بینک کی آمدنی میں 1.8 ارب روپے اضافہ
رپورٹ کے مطابق سونیری بینک کی ششماہی سال کی خالص سود آمدنی 5 ارب 50 کروڑ روپے رہی جو کہ گزشتہ سال کی اسی مدت میں 5 ارب 35 کروڑ روپے تھی۔
سونیری بینک لمیٹڈ کے پی اے ٹی میں 61 فیصد اضافہ
سونیری بینک لمیٹڈ کے پی اے ٹی میں 61 فیصد اضافہ ریکارڈ کیا گیا جو 30 جون 2021 کو ختم ہونے والے ششماہی میں ایک ارب 82 کروڑ روپے بنتا ہے جبکہ گزشتہ برس کے اسی عرصے میں ایک ارب 12 کروڑ روپے تھا۔
