بہار : بھارتی ریلوے پولیس اہلکاروں نے مسلمان نوجوان پر وحشیانہ تشدد کرکے اس کا پیٹ پھاڑ دیا، آنتیں باہر نکل گئیں۔
بھارتی ریاست بہار کے ریلوے اسٹیشن پر پولیس اہلکاروں نے فرعونیت کی مثال قائم کردی، ٹرین کی سیٹیں بیچنے کے الزام پر نوجوان پر اس سفاکیت سے تشدد کیا کہ اس کا پیٹ پھٹ گیا اور آنتیں باہر نکل آئیں۔ نوجوان کا گزشتہ سال پیٹ کا آپریشن ہوا تھا کہ ٹانکے پھٹ گئے۔
بھارتی میڈیا رپورٹ کے مطابق زخمی ہونے والے فرقان نامی نوجوان نے ریلوے پولیس کی جانب سے ٹرینوں میں سیٹوں پر قبضہ کرکے انہیں بھاری رقوم کے عوض بیچنے پر احتجاج کیا تھا، جس پر اہلکاروں نے اس کا یہ حال کردیا وہ اپنی خالہ کو اسٹیشن چھوڑنے آیا تھا۔
سوشل میڈیا پر وائرل ہونے والی اس ہولناک واقعہ کی ویڈیو نے دیکھنے والوں کو بھی غم و غصے میں مبتلا کردیا۔
#HORRIBLE #BIHAR: A MUSLIM YOUTH FURKHAN WHO HAD WENT TO SEE OFF HIS FRIEND ON PUPRI RAILWAY STATION WAS BRUTALLY BEATEN BY GRP JAWANS THAT HIS STOMACH BURST OPEN AND INTESTINE SPILLED OUT.
REASON FOR ASSAULT IS STILL UNKNOWN.#JUSTICEFORFURQAN— AZAM KHAN( ) (@AZAMKHAN022) JULY 25, 2024
میڈیا رپورٹ کے مطابق یہ واقعہ جمعرات کی شام اس وقت پیش آیا جب ممبئی جانے والی کربھومی ایکسپریس ٹرین جنک پور روڈ ریلوے اسٹیشن پر پہنچی اور مسافروں کے دو گروپوں کے درمیان ٹرین میں سیٹوں کے حوالے سے بحث شروع ہوگئی، جس پر جی ریلوے پولیس اہلکاروں نے مداخلت کی۔
اس دوران مسافروں اور پولیس اہلکاروں کے درمیان بحث و تکرار ہوگئی عینی شاہدین نے الزام لگایا کہ پولیس اہلکاروں نے مسافروں پر لاٹھی چارج کیا اور ایک پولیس اہلکار نے فرقان کے پیٹ پر زور دار لاٹھی ماری جس سے اس کی آنتیں باہر نکل گئیں۔
دریں اثنا مظفر پور پولیس نے کہا ہے کہ دونوں اہلکاروں کو معطل کرکے لاک اپ کردیا ہے جبکہ واقعے کے بعد مقدمہ درج کرکے تحقیقات کا آغاز کردیا گیا ہے۔
