بالی ووڈ کی معروف اداکارہ پرینیتی چوپڑا نے فین کلبز کو اپنے نام سے منسوب جھوٹی پوسٹس شیئر کرنے پر خبردار کردیا ہے۔
پرینیتی چوپڑا نے اپنی انسٹا اسٹوری پر فین کلبز کے لیے ایک خصوصی نوٹ شیئر کیا ہے۔
اُنہوں نے اس نوٹ میں لکھا ہے کہ میں دیکھ رہی ہوں کہ فین کلبز میرا نام استعمال کر کے اپنے پسندیدہ فنکاروں کے حق میں پوسٹس شیئر کر رہے ہیں۔
اداکارہ نے لکھا کہ میرے نام سے منسوب ایسی تمام پوسٹس جعلی ہیں کیونکہ میں نے کسی کے بارے میں کوئی انٹرویو نہیں دیا۔
اُنہوں نے فین کلبز کو خبردار کرتے ہوئے لکھا کہ میں دیکھ رہی ہوں اور آپ کے خلاف قانونی کارروائی کروں گی۔
پرینیتی چوپڑا نے اپنی اسٹوری کے آخر میں لکھا کہ کوئی بھی پوسٹ شیئر کرنے سے اس کے حقائق کے بارے میں تصدیق کیا کریں، گوگل پر تھوڑی سی تحقیق کرنے سے کسی کو کوئی تکلیف نہیں ہوگی۔
