ٹائیگر فورس اور عروا کی عوام سےاپیل

پاکستان شو بز انڈسٹری کی خوبرو اداکارہ عروہ حسین نے عوام سے وزیراعظم عمران خان کی اعلان کردہ ٹائیگر فورس میں بڑھ چڑھ کر حصہ لینے کی اپیل کی ہے۔

تفصیلات کے مطابق اداکارہ عروہ حسین نےسماجی را بطے کی ویب سائٹ ٹوئٹر پرایک پیغام جاری کیا ہے جس میں ان کا عوام سے کہنا ہے کہ کورونا کی وجہ سے ملک بھر میں لاک ڈاون کیا گیا ہے، ایسے میں مستحق افراد کو گھروں تک راشن پہنچانے کیلئے وزیراعظم عمران خان نے ٹائیگر ریلیف فورس کا اعلان کیا ہے۔

اداکارہ نے مزید کہا کہ کورونا کے سبب ملک کو درپیش مشکل صورت حال میں پیارے پاکستان کیلئے قدم اٹھائیں اور ٹائیگر ریلیف فورس کا حصہ بنیں تاکہ موذی وبا کو شکست دینے میں حکومتی کوششوں کو کامیاب بنایا جا سکے۔