واٹس ایپ نے زبردست فیچر متعارف کرادیا

موبائل اپیلیکیشن واٹس ایپ نے بیٹا ورژن استعمال کرنے والے صارفین کے لیے نیا فیچر متعارف کرادیا ہے ۔

تفصیلات  کے  مطابق پیغام رسانی کی معروف ایپلی کیشن واٹس ایپ پر خصوصی نظر رکھنے والے ادارے ڈبلیو اے بیٹا انفو کی رپورٹ کے مطابق کمپنی نے صارفین کے لیے گروپ ویڈیو کال سے متعلق نیا فیچر متعارف کیا ہے  ۔

یہ فیچر اینڈرائیڈ اور آئی او ایس پر بیٹا ورژن استعمال کرنے والے صارفین استعمال کرسکتے ہیں۔

نئے فیچرکو ’میگزیمائیزیشن‘ کا نام دیا گیا  ہے  ۔ اس  نئے  فیچر میں صارف ویڈیو کال میں موجود دوستوں میں سے کسی کا انتخاب کر کے اُس سے رابطہ کرسکتے ہیں اور اب انہیں پوری اسکرین پر ویڈیو نظر آئے گی۔

واضح  رہے کہ    اس سے  قبل   واٹس ایپ نے صارفین کے لیے گروپ کالنگ میں دوستوں کی تعداد بڑھانے کی سہولت متعارف کرائی جس کے بعد ایک اور فیچر بھی متعارف کرایا گیا جس کے تحت صارف فیس بک کے دوست کو بھی گروپ کالنگ میں ایڈ کرسکتا ہے۔