مقبول ترین ویڈیو سٹریمنگ کمپنی نیٹ فلکس کا اکاؤنٹ مفت شیئر کرنے والوں کیلئے بالآخر بری خبر آگئی۔
بین الاقوامی ذرائع ابلاغ کے مطابق مفت اکاؤنٹ شیئر کرنے والوں کو نیٹ فلکس نے خبردار کرتے ہوئے اہم اعلان کیا ہے،کہ اکاؤنٹ پاس ورڈ شیئر نگ کرنے والوں کے خلاف کریک ڈاؤن کیا جائے گا۔
گزشتہ دنوں غیر ملکی خبر رساں ادارہ کی جانب سے ایک رپورٹ میں کہا گیا تھا کہ نیٹ فلکس کی جانب سے امریکا میں 2023 کے شروع میں اکاؤنٹ شیئرنگ روکنے کے لیے اقدامات متعارف کرائے جائیں گے کہ جن کو بعد ازاں دنیا بھر میں توسیع دی جائے گی ۔
واضح رہے کہ اگست 2022 میں کمپنی نے لاطینی امریکا کے 5 ممالک میں سے ایک ٹیسٹ کا آغاز کیا تھا ، جس کے زریعے سے پاس ورڈ شیئر کرنے والوں سے یہ کہا گیا تھا کہ وہ ہر اضافی گھر پر فیس ادا کریں ۔
اس وقت کمپنی کا کہنا تھا کہ اگر کسی بھی صارف کا اکاؤنٹ اس کی رہائش گاہ سے باہر مختلف مقامات پر 2 ہفتوں سے زیادہ استعمال یوتا ہے تو کمپنی کی جانب سے اضافی فیس ادا کرنے کا مطالبہ کیا جائے گا ۔
آسان الفاظ میں یہ کہا جائے گا کہ اگر کوئی ایسا فرد آپ کا نیٹ فلکس اکاؤنٹ استعمال کرتا ہے کہ جو آپ کے گھر میں مقیم نہیں ہے تو پھر اضافی فیس ادا کرنا پڑے گی ۔
نیٹ فلکس کی جانب سے اکاؤنٹس کے درمیان پروفائلز کو ٹرانسفر کرنے کے فیچر کو بھی متعارف کرایا گیا تھا جس کا مقصد بھی یہی تھا۔
رپورٹ کے مطابق امریکا میں پاس ورڈ شیئر کرنے والے اکاؤنٹ سے جو بھی اضافی فیس لی جائے گی وہ سات ڈالرز سے کچھ کم ہوسکتی ہے ،کمپنی کو توقع ہے کہ اس طردوسروں کے اکاؤنٹ استعمال کرنے والے افراد خود ہی اس سروس کے صارف بن جائیں ے۔
کمپنی کی جانب سے فی الحال اس کریک ڈاؤن کا باضابطہ اعلان نہیں کیا گیا ہے کیونکہ اسے یہ بھی خدشہ ہے کہ متعدد صارفین سروس کو چھوڑ کر نہ چلے جائیں ۔
کمپنی کے مطابق دنیا بھر میں دس کروڑ افراد اس سروس کو اپنے دوستوں کے اکاؤنٹس کے ذریعے مفت استعمال کرتے ہیں۔
