ورسٹائل اداکار نوازالدین صدیقی کی ویب سیریز ’ہڈی‘ کا ٹریلر آج ریلیز ہوگیا۔
یہ جرائم کی دنیا پر مبنی ویب سیریز ہے جس میں دہلی، گرگاؤں اور نوائیڈا کے علاقوں میں موجود مافیا کی کہانی کو فلمایا گیا ہے۔
’ہڈی‘ نوازالدین صدیقی کی پہلی آن اسکرین پرفارمنس ہے جس میں انہوں نے خواجہ سرا کا کردار ادا کیا ہے۔
انوراگ کیشاپ نے ہدایت کاری کے بجائے نوازالدین کے ساتھ ویب سیریز میں اداکاری کی ہے۔
ٹریلر سے معلوم ہوتا ہے کہ نوازالدین ایک خواجہ سرا ہیں جو سفاک مجرم ہے، ان کا نام ’ہڈی‘ ہے۔
نوازالدین صدیقی نے انسٹاگرام پر ٹریلر شیئر کرتے ہوئے کہا کہ کیا بدلہ کبھی اتنا سفاک نظر آیا ہے؟ ہڈی آرہا ہے، بدلے کی ایسی کہانی لے کر جو آپ کو نشست چھوڑنے نہیں دے گی۔
یہ ویب سیریز 7 ستمبر کو ریلیز ہوگی۔ دیگر اداکاروں میں ذیشان ایوب، وپن شرما، سورابھ سچدیوا، راجیش کمار اور دیگر شامل ہیں۔
