پاکستان شوبز انڈسٹری کی اداکارہ میرا کا کہنا ہے کہ شاہ رخ خان ایک شاندار آدمی ہیں ان سے ملاقاتیں بہت اچھی رہیں۔
میرا نے ایک نجی ٹی وی چینل کے شو میں بطور مہمان شرکت کی جہاں اُنہوں نے بھارتی اداکاروں سے ہونے والی اپنی ملاقاتوں کے بارے میں بات کی۔
اُنہوں نے بتایا کہ میری شاہ رخ خان سے 4 مرتبہ ملاقات ہوئی اور ہر ملاقات بہت اچھی رہی وہ ایک شاندار آدمی ہیں۔
میرا نے بتایا کہ شاہ رخ خان سے ایک ملاقات اداکار ابھیشک بچن کی سالگرہ پر اور دوسری ملاقات دلیپ کمار صاحب کے گھر کھانے کی دعوت پر ہوئی۔
انہوں نے بتایا کہ پھر دبئی میں بھی شاہ رخ خان سے ملاقات ہوئی اور ہر بار ان سے ملاقات کا تجربہ بہت ہی اچھا رہا۔
میرا نے یہ بھی بتایا کہ میں سونامی کے متاثرین کے لیے فنڈز اکٹھا کرنے بھارت گئی تو اداکار سنجے دت نے خود فون کرکے شوز کرنے کو کہا اور دلیپ کمار صاحب نے گھر پر دعوت کی اور مجھے دیکھ کر بہت خوش ہوئے۔
