رپورٹ: راجہ زاہد اختر خانزادہ
ڈیلس : اپنی دلکش دھنوں منفرد انداز اور سوز بھری آواز کے جادو سے سارے جہاں کو اپنا گرویدہ بنانے والے پاکستان کے مشہور گلوکار کیفی خلیل نے امریکہ کی مختلف ریاستوں میں براہ راست کنسرٹس کرکے مداحوں کی روحوں کو گرما ڈالا ، پاکستان کے اس گلوکار کو امریکہ کی شو بزنس دنیا میں پرفارمینس کے یہ مواقع یہاں کے نیشنل پرموٹر ریحان صدیقی اور بزنس مین حسن شیخ کے تعاون سے ممکن ہوئے ہیوسٹن اور ڈیلس سمیت مختلف شہروں میں ہونے والے کنسرٹسز میں خواتین کی بڑی تعداد شریک ہوئی ہر جگہ کیفی خلیل کے گانے “کہانی سنو” کو حاضرین نے بھی جھوم جھوم کر گایا اسطرح امریکہ میں بھی مداحوں کی جانب سے سحر انگیزی کی ایک تاریخ رقم کی گئی کہ کراچی، لیاری کے پسماندہ علاقہ سے تعلق رکھنے والے، کیفی خلیل نے موسیقی کی صنعت میں اپنے چارٹ ٹاپنگ گانوں سے ایک انمٹ شناخت بناڈالی ہے، انہوں نے اپنی گٹار اور اپنی سوز سے بھرپور آواز کے ذریعہ جہاں دلوں میں گھر کیا وہاں انکی عاجزی اور انکساری کی جھلک امریکہ بھر میں ہونے والے انکے کنسرٹ میں نظر آئی۔ انکے پروموٹر حسن شیخ کا کہنا تھا کہ جہاں جہاں بھی میں انکو لیکر گیا وہاں وہاں انکے نغمے عوام کے ہونٹوں سے بلااردہ نکلتے دکھائے دیئے اور اس سحرزدہ ماحول کے وہ خود چشم دید گواہ ہیں۔ نیشنل پرموٹر ریحان صدیقی کا کہنا تھا کہ۔ پاکستان میں میوزک انڈسٹری میں حائل رکاوٹوں کے باوجود، کیفی خلیل نے اپنی چگہ بنائی وہ گلوکار ی کے ساتھ ساتھ ، موسیقار، اور ہونہار نغمہ نگار، بھی بنا اور اپنی صلاحیتوں کا لوہا امریکہ میں بھی منوایا۔ موسیقی سے محبت کے اس شوق کو جس غیر متزلزل طریقے اس نے جاری رکھا۔ اور جو کہانی اس نے سنائی وہ یہاں بیٹھے ہر شخص کی کہانی ہے اور اب یہ گھر گھر کی کہانی بن گئی ہے انکا کہنا تھا کہ لیاری سے پاکستان اور پھر دنیا بھر کی سرحدوں کو پار کرکے انکی آوز کو جس نے بھی سنا وہ انکا ہوگیا۔ اور اب انکو امریکہ بھر میں انھیں وسیع پیمانے پر پذیرائی ملی ہے۔
گلوکار کیفی خلیل کا کہنا تھا کہ امریکہ بھر میں انکو جو عزت انکے مداحوں نے دی ہے وہ اسپر انکے شکرگذار ہیں انہوں نیشنل پرموٹر ریحان صدیقی اور حسن شیخ کا شکریہ بھی ادا کیا جنکی کاوشوں سے امریکہ بھر میں انکے کنسرٹ منعقد ہوئے۔
انکا مزید کہنا تھا کہ ان کے اپنے تجربات اور جذبات سے انکے اندر چھپے ایک فنکار نے جنم لیا ہے۔
